.
आईग्ग..
पाय दुखताहेत ग खूप्प.... रिक्षा..!
नो ग प्लीज
बसने नको नं जाऊया... टॆक्सी..!
ओह.. मम्मा
कित्ती कित्ती ग गरम होतय.. फॆन..!
शी ग्ग...!
फॆनखाली सुद्धा उकडतय.. एसी..!
मम्मा ग
ताटात पोळी थंड झाली.. मायक्रो..!
ईई नक्को ग
कशाला डाळभाताचा कूकर.. पिझ्झा..!
स्कूल प्रोजेक्ट्स..
कुठे ग पेपरात शोधतेस.. इन्टरनेट..!
श्रम नको..
त्रास नको..
सहनशक्ती नाही उरली..
लक्झरीज..!!
लक्झरीयस आयुष्याची
रक्तात सवय मुरली ..!
.
पण,
तुझी चूक नाही बाळा...!
मला तरी कुठे बसवतय फॆनविना..!
.
.
:सौ. अनुराधा म्हापणकर
Thursday, January 22, 2009
Subscribe to:
Post Comments (Atom)
No comments:
Post a Comment