Saturday, December 1, 2007

मी का भोगावी ही शिक्षा..?

झाले असेल एकच चूक ..
पण तीही का केली..
पोटभर जेवुनसुद्धा
ही भूक का लागली ..?

आणि ह्या चुकीची..
मी का भोगावी ही शिक्षा..
सांगा माझं काय चुकलं ...???

ज्याच्यावर प्रेम केलं ..
त्यानेच मला फसवलं होतं..
ह्याच धक्क्याने खरतर
मन माझ मेलं होतं ..

हेच काय कमी होतं..
म्हणुन..
एड्सच जोखड लादलं गेलं
जगुन संपण्याआधीच
मरण लादलं गेलं ..

विश्वासघाताची शिक्षा म्हनून
घटस्फोट घेईन कदाचित..
विसरेन ही प्रयासाने..
त्याच्यावर केलेली भोळी प्रीत..

पण एड्स मात्र मला हा
आता जन्मभर पुरेल..
माझं कलेवर चढेल सरणावर
तेंव्हाच मला सोडेल..

पण कळत नाही अजूनही..
मी का भोगावी ही शिक्षा..
सांगा माझं काय चुकलं ...???
.
.
.
सौ. अनुराधा सचिन म्हापणकर
डिसेम्बर १, २००७

2 comments:

  1. आजच्या ज्वलंत समस्ये वरील सुंदर कविता.

    ReplyDelete
  2. ya kahi olimadhye faar faar kahi sangun gelis g ha vishay talta yenara pan tualun shakya naslela vishay yaver kavita hovu shakte he mala aaj samajle aani tashi kavita hi tuch karu shaktes?

    ReplyDelete