मराठी कविता

(ऑरकुटच्या 'मराठी कविता' या कम्युनिटी साठी .. )

वसंतातही तेव्हा बहर नव्हता..
आता शिशिरातही फुटते पालवी..

नवा धुमारा.. नवा शब्द..
नवी भावना .. ओळ नवी..

नवी कल्पना.. नवा विषय..
गाढ प्रतिभेसही जाग यावी..

शब्दांचे श्वास जमवून सारे..
कविता पुन्हा नव्याने जगावी

'मराठी कविते'च्या प्रांगणात या
असे कितीक जन्मले नव कवी..

कोण म्हणतो .. मराठीला नसे वाली?
क्षणाक्षणाला इथे जन्मते.. नित्य नवी ओवी..

मायबोलीचे अपुल्या..आम्हीच तटरक्षक..
असंख्य तिच्या ऋणांची.. इथेच फेड व्हावी...

सौ अनुराधा सचिन म्हापणकर