थांब ना रे..

.
शेवटचा थेंब डोळ्यात अजूनही बाकी आहे
थांब ना रे.. थोडे आणखी रडवून जा..

देऊन जा थोड्या जखमा-व्रण
आणखी थोडेसे व्याकूळ क्षण
थोडा विरह.. थोडी वेदना..
जीवाला आणखी थोडी यातना देऊन जा
.
थांब ना रे.. थोडे आणखी रडवून जा..


घेऊन जा हा बहर सारा
आणिक देहाचा हा शहारा
फुल कोमेजूदे थोडे आणखी..
निर्माल्य होउदे.. विसर्जनाला मग घेऊन जा
.
थांब ना रे.. थोडे आणखी रडवून जा..


घाई कसली.. वेळ फार नाही
खांद्यावर तुझ्या आता भार नाही
शेवटेचा श्वास एकच बाकी..
प्राण कुडीतून माझा अलगद सोडवून जा..
.
थांब ना रे.. थोडे आणखी रडवून जा..
.
.
.
: सौ. अनुराधा म्हापणकर